عذرا رسولى الحبيب

الجمعة، ٢٩ مايو ٢٠٠٩





بسم الله الرحمن الرحيم


بجد بجد وحشتونى


ونفسى أتكلم معاكم من زمان

بس يلا خير
ان شاء الله

وبع طبعا السلام والتحيات على كل المدونات الحلوات

احب اعرفكم ان سهيله بنتى والحمد لله نجحت فى اولى ابتدائى


وبصراحه انا حاسه انى انا اللى نجحت

هحكلكم حكايه غريبه جدا جدا


بس نفسى احكيها زى ما انا سمعتها


تتصوروا ان فى بنت زميله سهيله بتكتب جوبات لولد زميلهم

طبعا اتصدمت جدا لما سمعت هذا الكلام

واللى حصل بالظبط

ان مدرسه سهلوله مدرسه جديده لسه مفتوحه السنادى

فأنا وولاد خلاتى اتفقنا اننا ندخلهم مدرسه واحده وكان الاختيار على المدرسه الجديده

فكان مع سهلول فى الفصل بنت بنت خالتى

والحمد لله اتصحبوا على بعض وحبوا بعض جدا

وقربوا من بعض لدرجه ان كان بينهم اسراركتير

لأنهم طبعا فتانين كان كل ما يحصل لواحده منهم حاجه كانت تيجى تقول لمامة صحبتها

مش بقولكم اصحاب جدا جدا

المهم خرجت فى مره مع بنت خالتى ولقيتها بتقولى شفتى سهلوله قالتلى ايه

قلتلها خير

قالتلى مش روزه بتكتب جوابات لصديقهم حسام

فأذا بيه تنحت ومبقيتش عارفه اضحك ولا اعمل ايه قدام بنت خالتى وهى بتحكى بكل جديه

جوبات ايه هما لسه بيعرفوا يكتبوا اسمهم اصلا

ايه ده؟

قالتلى ان سهيله كمان قالتلها بتبعتله الجوبات دى مع مين

مع زميلهم زياد

يا الله

هى فيها كمان زياد

ربنا يستر

وبعدين الكارثه ان زياد ده ابن زميله بنت خالتى يعنى سمعتها بقت زى الفل

فناديت على سهيله وقلتلها هى ايه حكايه حسام والجوبات

قالتلى يا ماما روزه بتكتب جوبات لحسام وبتديها لزياد علشان يديهاله

قلتلها وبعدين

قالتلى وهى بتضحك انا اللى بمليها الجوبات

قالتلها كمان

طيب كاتبين ايه؟

فأذا ببنت خالتى تضحك بشكل جامد جدا وبتقولى انتى عارفه الجوبات مكتوب فيها ايه

فأستغربت من موقف بنت خالتى هى بتضحك دلوقتى على ايه

بعد ماكانت بتحكى بشكل انها مصدومه

قالتلى هما كاتبين

(انت وحش يا حسام جدا جدا جدا

يا حسام انت وحش جدا جدا

انت وحش جدا جدا يا حسام)فأذا بيا انا كمان بضحك بشكل هستيرى جداجداجدا

ههههههههههههها

اصل ده اسلوب سهيله فى الكتابه انها تكرر الكلام فى الجوابات كتير

بشكل ملغبط اه

بس علشان تملا الجوابات كلام وتكون كتبت سطووووووووووور كتير

مبدأ غريب مش كده

وكل ده علشان هما مبيحبوش حسام اصله رزل شويه

عيال آخر زمن وتفكيرهم غريب وطريقه حكايتهم للمواضيع تودى فى دهيه

مش كده

هههههههههههههههههههههههههههههههه
هههههههههههههههههههههه
هههههههه

بس انا مقلتلكوش رد فعل روميو قصدى حسام باشا ايه

كان طبعا بيقرا الجوبات ويقطعها ادمهم

وهو عايز يكلهم قلمين تلاته

مهو بردوا برستيجه ضاع امام زياد باشا الموصلاتى

وبكره ياما نشوف

وربنا يستر على بناتنا وبنات المسلمين





















هناك ٥ تعليقات:

رحــــيـل يقول...

حمد الله على السلامه
ومبروووووك لسهيله
والله انتى فى بقالى بقالى مده وكل مره اقول اول مافتح نت هروح مدونتها اسال عليها بس انا فعلا مقصره معاكى
يارب تكون بخير

هههههههههه عسل سهيله وصاحبتها بجد بس الجميل انهم بيقدروا يعبروا من رايهم وانهم بياخدو موقف

ربنا يخليها وعقبال متفرحى بيها يارب

بنت أبيها يقول...

ياااااه

فينك من زمان

وحشتينا

الف مليون مبروووووك لبنوتك

عايزين الحلاوة بقى

:D
ههههههههههههههههههههه

بجد اطفال تحفة

ربنا يحميهم من كل سوء

متقطعيش تاني كده

زى الهوا يقول...

ههههههههههههه


انا كنت هقولك برده دول اطفال وعمر تفكيرهم مايوصل لكدة هههههه

ربنا يخليلك سهيلة ويارب ديما تنجح وتجيبلك اعلى دراجات وعوقبال ماتبقى الدكتورة او الباش مهندسة سهيلة

سمكه واحده يقول...

ههههههههههههههههههههههههه
تصدقي انا اتخضيت في الاول
وقلت معقول وصلت لكده ينهار بيض وتنحت
بس بعدها ضحكت جدا سهلوله دمها زي العسل وطريقه تفكرهم تصدقي عجبتي
وفعلا طفوليه جدا
طلما حسام زرل كده
يستاهل اللي يجراله
وحش يعني وحش
ربنا يباركلك فيها
تقبلي مروري

dandana يقول...

أولا
اسم سهيلة جامد جدا
فبجد انا متخيلاها زى العسل
ربنا يباركلك فيها


أنا مع سارة
كويس جدا انهم لقيوا طريقة يعبروا فيها عن رأيهم ومشاعرهم
يعنى دا لوحده يدل على ذكاء

وخصوصا انهم اطفال فلا حرج عليهم
ومين عارف يمكن شوية بشوية يتعلقوا بالكتابة ويبقوا كاتبات مميزات
وساعتها هايعرفوا ايه اللى ممكن يتكتب وايه اللى مش ممكن