الحب

ما معنى الحب

أنا فعلا مش عارفة

سؤال محيرنى جدا

هل هو تضحيه؟

هل هو تنازل؟

وهل لابد دائما محاولة ارضاء حبيبك؟

حتى على حساب راحتك وهدؤك

وهل ممكن ان تتغير فعلا وتتخلص من الكثير من طباعك

المزعجة حتى تتحسن وتكون بصورة يرضى عنها حبيبك؟

ولكن الى متى ؟

واى نتيجه يمكن عندها ان تشعر ان حبيبك يستاهل كل هذا الحب

أفيدونى

لاتندم على حب عشته.. حتى ولو صاااار ذكرى

تؤلمك

فان كانت الزهور قد جفت وضااااع عبيرها

ولم يبقى منها غيرالاشوااااك

فلا تنسى انها منحتك عطراا جميلا اسعدك

الى كل شخص سواء كان قريب او بعيد

منحتهم حب صادق من القلب كنت معهم فى كل وقت وأعطيتهم وقتى وحبى وجهدى

فأنا لا أعرف العيب فيى

ام فيهم

اوتجرافى

بسم الله الرحمن الرحيم

دايما فى سؤال بيخطر على بالى ياترى الناس اللى بحبهم

وبعدتنى الايام عنهم

لسا فكرنى وبيحبونى زى ما انا ما فكراهم وبحبهم

ومن يومين وانا بشقلب فى حاجتى القديمه

لقيت اوتوجراف ثانوى

ياااااااااااه

من سنه 1997

ااااه والله

من 12سنه

مش ممكن فرحت جدا

ووفتحت الاوتجراف

ولقيت اول صفحه فيه

اهداء من سحر حسين

8-4-1997

وفتحت صفحه صفحه

وقريت كلمه كلمه

وسرحت مع كل حرف

ورجعت لورا ورا قوى

لأيام ثانوى

ايام الصداقه بجد

مش ممكن الاصدقاء الحلوين دول

سحر ورباب وهاجر وصفاء وشيماء وكوثر

منى ورشا وريهام

رحتوا فين وحشتونى قوى

منهم اللى سافر خارج مصر

ومنهم اللى سافر القاهرة

ومنهم اللى بعدتوا الايام والسنين فبقى مجرد ذكرى حلوة لناس حلوة بجد

غيربقى احب الاحباب ليا جدتى الله يرحمها

وخالاتى وبناتهم

واعمامى وعماتى وخالى حبيبى

ياااااااه

وحشتونى بجد

ووحشتنى ايامكم الحلوة

بشكركم من كل قلبى

على اجمل كلمات كتبتوهالى

بس يا ترى انا فعلا كنت عندكم زى ما انتم كتبتم عنى ولا ده مجرد كلام اوتجراف

يعنى خالاتى واعمامى كلهم اجتمعوا على معنى واحد فى كتابتهم

انى ابنتهم الحنونه المؤدبه

يا ترى انا فعلا حنونه زى ما انتم شايفنى

بس بجد اصعب كلام قرأته ودمعت

كلام ست الحبايب

وهى بتوصفنى بأنى أقرب شخص ليها وبنتها وصحبتها

بحبك يا ماما

حفرتوا بكلامكم اجمل الذكريات فى اوتجرافى الوحيد

اشكركم بجد

بفكر اعمل لسهيله مع اصحابها فى المدرسه

اوتجراف ابتدائى واعدادى وثانوى والكليه ان شاء الله

لأنى كان نفسى يبقى ليا كده

وليه لأ

اعملى واحد تانى مع الناس الجديده اللى عرفتهم وحبتهم فى حياتى الجديدة

بسم الله الرحمن الرحيم

بجد بجد وحشتونى

ونفسى أتكلم معاكم من زمان

بس يلا خير

ان شاء الله

وبع طبعا السلام والتحيات على كل المدونات الحلوات

احب اعرفكم ان سهيله بنتى والحمد لله نجحت فى اولى ابتدائى

وبصراحه انا حاسه انى انا اللى نجحت

هحكلكم حكايه غريبه جدا جدا

بس نفسى احكيها زى ما انا سمعتها

تتصوروا ان فى بنت زميله سهيله بتكتب جوبات لولد زميلهم

طبعا اتصدمت جدا لما سمعت هذا الكلام

واللى حصل بالظبط

ان مدرسه سهلوله مدرسه جديده لسه مفتوحه السنادى

فأنا وولاد خلاتى اتفقنا اننا ندخلهم مدرسه واحده وكان الاختيار على المدرسه الجديده

فكان مع سهلول فى الفصل بنت بنت خالتى

والحمد لله اتصحبوا على بعض وحبوا بعض جدا

وقربوا من بعض لدرجه ان كان بينهم اسراركتير

لأنهم طبعا فتانين كان كل ما يحصل لواحده منهم حاجه كانت تيجى تقول لمامة صحبتها

مش بقولكم اصحاب جدا جدا

المهم خرجت فى مره مع بنت خالتى ولقيتها بتقولى شفتى سهلوله قالتلى ايه

قلتلها خير

قالتلى مش روزه بتكتب جوابات لصديقهم حسام

فأذا بيه تنحت ومبقيتش عارفه اضحك ولا اعمل ايه قدام بنت خالتى وهى بتحكى بكل جديه

جوبات ايه هما لسه بيعرفوا يكتبوا اسمهم اصلا

ايه ده؟

قالتلى ان سهيله كمان قالتلها بتبعتله الجوبات دى مع مين

مع زميلهم زياد

يا الله

هى فيها كمان زياد

ربنا يستر

وبعدين الكارثه ان زياد ده ابن زميله بنت خالتى يعنى سمعتها بقت زى الفل

فناديت على سهيله وقلتلها هى ايه حكايه حسام والجوبات

قالتلى يا ماما روزه بتكتب جوبات لحسام وبتديها لزياد علشان يديهاله

قلتلها وبعدين

قالتلى وهى بتضحك انا اللى بمليها الجوبات

قالتلها كمان

طيب كاتبين ايه؟

فأذا ببنت خالتى تضحك بشكل جامد جدا وبتقولى انتى عارفه الجوبات مكتوب فيها ايه

فأستغربت من موقف بنت خالتى هى بتضحك دلوقتى على ايه

بعد ماكانت بتحكى بشكل انها مصدومه

قالتلى هما كاتبين

(انت وحش يا حسام جدا جدا جدا

يا حسام انت وحش جدا جدا

انت وحش جدا جدا يا حسام)فأذا بيا انا كمان بضحك بشكل هستيرى جداجداجدا

ههههههههههههها

اصل ده اسلوب سهيله فى الكتابه انها تكرر الكلام فى الجوابات كتير

بشكل ملغبط اه

بس علشان تملا الجوابات كلام وتكون كتبت سطووووووووووور كتير

مبدأ غريب مش كده

وكل ده علشان هما مبيحبوش حسام اصله رزل شويه

عيال آخر زمن وتفكيرهم غريب وطريقه حكايتهم للمواضيع تودى فى دهيه

مش كده

هههههههههههههههههههههههههههههههه

هههههههههههههههههههههه

هههههههه

بس انا مقلتلكوش رد فعل روميو قصدى حسام باشا ايه

كان طبعا بيقرا الجوبات ويقطعها ادمهم

وهو عايز يكلهم قلمين تلاته

مهو بردوا برستيجه ضاع امام زياد باشا الموصلاتى

وبكره ياما نشوف

وربنا يستر على بناتنا وبنات المسلمين

مين أنا؟

قمت من النوم الصبح بصيت فى ميرايتى

لقيت واحده تانيه فى ميرايتى

واحده غيرى مش أنا

مش هى دى ملامحى

مش هى دى أنا

حتى لونى مش كده

نظرة عيونى نظرة مش بتعتى أنا

هو أنا ليه بقيت كده

سألت مرايتى؟

قالتلى ومين قالك انى ميرايتك أنا

هى العيون اللى تشوف اطفال غزه المدبوحين

هتفضل عيونك

ولا ملامحك الى صرخت من غدر سهم فى وسط ظهرك

هتفضل ملامحك

حتى أنا مبقيتش مرايتك