عذرا رسولى الحبيب

الأحد، ٩ مارس ٢٠٠٨

دعاء



السلام عليكم ورحمه الله وبركاته


انا مش عارفه ابتدى منين


النهارده يوم صعب عليا جدا


يمكن لأنى حسه بجو غير عادى


جو كله خوف وحزن


اديلى فتره عايشه بسمع


عن فلان مريض


فلان وقع بيته


فلان مات وهو على تربيزه الكشف


أسرتى مابين مريض ومصاب ومكروب


الحمد لله على كل شىء


ان لله وان اليه راجعون


وبشر الصابرين


ربنا يرزقنا الصبر والاحتساب


تزكرت الان قول الرسول صلى الله عليه وسلم فيما معناه


عجبا لامر المؤمن كله خير


ان اصابته ضراء شكر فكان خيرا له


وان اصابته سراء شكر فكان خيرا له


المود الحزين ده كله كنت عايشه فيه الفتره الفاتت


وجه شىء بسيط يمكن


بس كان ليه تأثير كبير عليا


هو بكل بساطه ان موبايلى اتصلح بعد طول عطل ورجعلى بالسلامه


الجميل انه اول ما شم نفسه ونور فى ايدى


رحت بسرعه جريت على اجمل شىء فيه


الرسااااااااااااااااااااااااااااايل


انا بحب الرسايل جدا لانها بتحمل لياالكتير من حابييبى


انا اه متعوده ان كل ما اشحن رصيدى ليا مكالماتى الخاصه لأحب الناس عندى وده كل شحن رصيد


بس الرسايل ليها معنى تانى عندى


ليها انها بتبقى ديما ذكرى من اللى بحبهم



لما معرفش اكلم حد من اسرتى ومقدرش اعبرله عن حبى ابعتله رساله على طول


المهم بقى انى أول ما فتحت رسايلى حبايبى لقيت أجمل رساله جاتنى


وكانت من أغلى الناس عندى


خااااااااااااااااااااااالتى حبيبه قلبى

هى مريضه والمها بيوجعنى جدا


أصلى بحبها جدا ولو قدرت اقاسمها الالم كنت قاسمتها فيه


ومكنتش بعرف اكلمها فى التليفون فكنت ببعتلها رسايل أدعيه وحب


ففى يوم لقيتها بعتالى رساله من أروع الرسايل عندى وأحبها لقلبى


يمكن علشان هى بعتتهالى فى الظروف اللى هى فيها


تيجوا نقرأسوا الرساله


بس بشرط


عيزه كل اللى يقرا البوست يدعيلها بالشفاء وربنا يرجعهلنا بالسلامه من المستشفى


أسألكم الدعاء ليها بجد ومتنسوهاش أبدا


الرساله


اللهم لى حبيبه كالدر المنثور


تفيض على قلبى السرور


ارزقها ربى شفاعه الرسول


ومتعها بالرضا والقبول


وأنلها فضلا منك ونور


وأسكنها معا جنه وقصور


ربنا يشفيكى يا أغلى وأحب الناس عندى


وترجعيلى تانى وتغمرينى بحنيتك زى زمان

هناك ١٠ تعليقات:

غير معرف يقول...

ربنا يشفى كل مريض
ويشفى خالتك وترجعلكم بالسلامه

مي بهاء الدين يقول...

إزيك ياقمر كنتي غايبة ليه...موضوع رسايل المحمول ده فعلا بيفضل ذكرى حلوة
يارب ياكريم يشفي خالتك ويجعل الرسايل بينكم كلها أفراح وتهاني وأدعية من القلب...اللهم آمين
:)

صاحب المضيفة يقول...

ربنا يشفيها ويعافيه ويرزقها العافية والصحة



دمت بخير

walaa يقول...

ربنا يشفيها يارب ويطمنك عليها
اللهم ما اسال الله العظيم رب العرش العظيم ان يشفيها
ويذهب عنها ما هى فيه
ولاء

رحــــيـل يقول...

ربنا يشفيها وترجع بالسلامه يارب
على فكره انا كمان بحب رسايلى جدا بتكون ليها ذكرى كويسه وجميله

شكرا على سؤالك انا بقيت احسن الحمد لله
ومش بنسى اصحابى بس بتبقى ظروف

ربنا يخليكى ويكرمك

جنة البتول يقول...

الهم اشفى مرضانا ومرضى المسلمين جميعا وانا كمان يااختى الحبيبة عايشة حالة قلق شديدة على امى التى هى اجمل شئ فى حياتى فأسألكم الدعاءلها اختك فى اللة

مروة الزارع يقول...

ربنا يشفيهالك يارب

انا هدعيلها وانا بصلى

تحياتى ليكى وربنا يصبرك على الم مرض خالتك

http://kasperb4.blogspot.com/ يقول...

ما شاء الله
جميل اوي النوع ده من الحب
والله حاجة تفرح بجد واحلى حاجة الواحد ممكن يقراها

شفاها الله وعافاها وادام عليكم نعمة الحب

ولها عندي دعاء بظهر الغيب ان شاء الله

نوري يقول...

نونا حبيبتي وحياه قلبي
ربنا مع خالتو ياجميله
عشان الي غالي عليكي
اكيد غالي عليا

وبالنسبه لموضوع الرسايل
فانا فعلا
بحس انها احلي حاجه في الموبايل
لما بلاقي رنه الرساله ببقي سعيده وببقي اسعد لما القيها من حد حسيت انه نسيني وفجئه القيه يقولي بلاش عبط انا عمري مبنساكي

ربنا يخليكي ليا يا قمري
و(بست وشز فور يو)

klmat يقول...

ربنا يشفيها يارب هى وكل مريض
ويبدل احزانك افراح يارب
والحمد لله على الموبايل
رساله بتدل على رقه ومحبه
ان شاء الله تقوم بالسلامه
اعدك انى ادعى لها بالشفاء هى وكل
مريض فى صلاتى
خالص حبى وتقديرى