عذرا رسولى الحبيب

الأربعاء، ٢٦ مارس ٢٠٠٨

ربى تقبل واغفر


انا بقدم اعتذارى لكل التعليقات اللى مقدرتش أرد عليها فى البوست اللى فات

بس انا فعلا كنت ومازلت فى حاله لا يعلم بها الا الله سبحانه وتعالى

وبدعوا بظهر الغيب لكل اللى داعولى ودعوا لخالتى الحبيبه

تقبل الله منا ومنكم ويارب مشوفش فيكم مكروه ابدا

ولأنى برضوا اديلى فتره مش قادره اكتب اى شىء جديدلأنى محبش حالتى توصل ولو حتى عن طريق الخطأ لحد فيكم

ويسببله ضيق أو الم

بصراحه كل واحد فيه اللى مكفيه

بس عندى رساله على الموبايل وانتم عارفين انا بحب رسائل الموبايل اد ايه

احياء لسنه التواصى بالحق

فقد كثرت الامراض وتوقف المطر وانتشر الغلاء والوباء والفتن

والحل هو دعوه لحمله استغفار: فدعونا نستغفر اليوم ولو 100 مره لعل الله أن يغيث البلاد والعباد

فما نزل بلاء الا بذنب وما رفع الا بتوبه

وكانت الرساله دى يمكن من شهرين

المهم لقيت عندى رساله فى الاميل من مين معرفش؟

بس لقيتها حلوه جدا جزا الله من ارسلها لى خيرا حتى ولو أرسلها عن طريق الخطأ

وكانت استغفار جامع

وهواستغفار جامعاستغفر الله العظيم من كل ذنب أذنبتــــــــــه ... استغفر الله العظيم من كل فرض تركـــــتــه

استغفر الله العظيم من كل إنسان ظلـمـتــــه ... استغفر الله العظيم من كل صالح جـفــوتــــه

استغفر الله العظيم من كل ظالم صاحـــبتــه .... استغفر الله العظيم من كل بـــر أجـــــلتـــــه

استغفر الله العظيم من كل ناصح أهنــتـــــه ... استغفر الله العظيم من كل محمود سئـمــتـــه

استغفر الله العظيم من كل زور نطقت بــــه .... استغفر الله العظيم من كل حق أضــعــتـــــه

استغفر الله العظيم من كل باطل اتبعــتـــــه ... استغفر الله العظيم من كل وقت أهــــدرتــــه

استغفر الله العظيم من كل ضمير قـــتلــــته ... استغفر الله العظيم من كل سر أفشـــيـــــتـــه

استغفر الله العظيم من كل أمين خدعــتـــــه ... استغفر الله العظيم من كل وعد أخلــفـــــتـــه

استغفر الله العظيم من كل عهد خــــــنتــــه ... استغفر الله العظيم من كل امرئ خذلــــــتـــه

استغفر الله العظيم من كل صواب كتمــــته ... استغفر الله العظيم من كل خطأ تفوهــت بـــه

استغفر الله العظيم من كل عرض هتكتــــه ... استغفر الله العظيم من كل ستر فضــــحـــتــه
استغفر الله العظيم من كل لغو سمعــــتــــه ... استغفر الله العظيم من كل حرام نظرت إليـــه

استغفر الله العظيم من كل كلام لهوت بـــه ... استغفر الله العظيم من كل إثــم فـعـــــلتــــــــه

استغفر الله العظيم من كل نصح خالفتـــــه .... استغفر الله العظيم من كل علم نـســيــتـــــــــه

استغفر الله العظيم من كل شك أطعـــــتـــه ... استغفر الله العظيم من كل ظن لازمــــتــــــــه

استغفر الله العظيم من كل ضلال عرفتـــه ... استغفر الله العظيم من كل ديــن أهمــلــتـــــــه

استغفر الله العظيم من كل ذنب تبت لك به ... استغفر الله العظيم من كل ما وعــدتـــك بـــــه

ثم عدت فيه من نفسي ولم أوفى به

استغفر الله العظيم من كل عمل أردت به وجهك فخالطني به غيرك

استغفر الله العظيم من كل نعمة أنعمت على بها فاستعنت بها على معصيتك

استغفر الله العظيم من كل ذنب أذنبته في ضياء النهار أو سواد الليل في ملأ أو خلا أو سراً أو علانية

استغفر الله العظيم من كل مال اكتسبته بغير حق

استغفر الله العظيم من كل علم سُـئـلـت عنه فكتمته

استغفر الله العظيم من كل قول لم أعمل به و خالفته

استغفر الله العظيم من كل فرض خالفته

ومن كل بدعه اتبعتها

اللهم أني سامحت كل من أخطأ في حقي فأغفر لي أنه لا يغفر الذنوب إلا أنت

وصلى الله على سيدنا محمد وعلى آله وسلم

هناك ٢٢ تعليقًا:

فرنسا هانم يقول...

غيابك طال
وحتى لو لتدوينه واحده
انا اتعودت عليكى
المهم
انا مش هتكلم عن اى حاجه مضيقاكى
لكن
هاقول على دعواتك
اللهم اجعلها من نصيبك

نوري يقول...

امين امين امين
تقبل الله منا ومنك الدعاء
والله مش عارفه اقولك ايه
بس لو اقدر دلوقتي حالا اجي لعندك
ونقعد ننم ونتساهر ونجيب
في سيره الخلق كنت عملت
ع الاقل كنا هنضحك ونهزر
واقدر اهون عليكي
واخرجك من مود العكننه ده
بس ما باليد حيله
وانا عارفه انك قدها وقدود
ده انتي تربيتي يا نونا
وانا عارفه انك تعبانه جدا
بس لازم متتهاونيش
ومتسلميش نفسك للحزن والوحده
ولعلمك عمر حد ماهيزعل منك لو كتبتي حاجه محزنه او بتعبري فيها عن الي جواكي
والي هيزعل قوليلي عليه بس
وانا ليا تصرف تاني معاه
وهصلت عليه عفريتي
البلوجريه يبلجروه خالص
وميعرفش يخلص منهم
ويلا بقي
طولت عليكي(بست وشز فور يو)0
وربنا يقوم لنا خالتو بالسلامه يارب

صاحب المضيفة يقول...

تقبل الله دعائك

وزرقك من الخير الكثير وأفضله


وفرج همك وأزاح كربتك

تحياتي

http://kasperb4.blogspot.com/ يقول...

نستغفر الله الذي لا إله إلا هو الحي القيوم ونتوب اليه

ربنا يتقبل منا ومنك
وجزاك الله خيرا
والحمد لله على سلامتك

المهـ إلي الله ـاجر يقول...

اللهم تقبل دعائك ورزقك كل ما دعوتيه وزيادة إن شاء الله

وعود أحمد (:

walaa يقول...

ربنا يتقبل منك يارب ويفك ازمتك
ويشفى لكى خالتك يارب
واطلعى من المود الوحش ده
وان شاء الله الصبح جاى زى ما انت قولتيلى انت هترجعى فى كلامك ولا ايه
ربنا عنده خيييير كتييير والله
تحياتى للاحلى قمر ولاء

Empress appy يقول...

انا طبعا اول مرة اجيلك
وميرسى لزيارتى هناك فى الكوكب نورتيه وهتنوريه دايما
والف سلامه على خالتك
وربنا يا رب يكرمك على ايميل الاستغفار ده بجد حلو جدا

walaa يقول...

اللهم ما فرج عنك ما انت فيه
ويارب اذهب الباس عن خالتك
لاعله رحمه من الله
واللهم ما اجعل الدعوات من نصيبك
ويارب المره الجايه اشوفك احسن
وافتكار ربنالينا رحمه
ولاء

klmat يقول...

ربنا يكرمك ويحفظك ويشفى
خالتك وكل مريض يااارب
ويبدل همومك بافراح ياااااارب
خالص حبى ودعواتى بكل الخير

walaa يقول...

فييينك مش باينه من زمان لعل المانع خيرا
ولاء

الطائر الحزين يقول...

اللهم اغفر لنا ما نعلم وما لا نعلم وما انت به اعلم


جزاك الله خيرا

دعواتك

دنيتى الجميله يقول...

خالتى فرنسا
وحشتينى
ازى العيش معاكى
يا ستى ابقى اشترى لينا معاكى
ههههههههههههههههه
شكرا على زيارتك الحلوه وسؤالك الغالى
وربنا يتقبل دعواتنا ودعواتك
اللهم امييييييييييين

دنيتى الجميله يقول...

نورى الحبيبه الغاليه
ضرتى المصونه ودرتى الجميله
وحشتينى خالص يا نورى
امتى بقى تيجى اجازه ونقعد فى المطبخ ونسهر للصبح
وانا عارفه انى معاكى مش هكون ابدا حزينه ان شاء الله
سلاااااااااام

دنيتى الجميله يقول...

صاحب المضيفه
اشكرك على دعواتك الجميله
تقبل الله منا ومنك
جاك الله خيرا على زيارتك ودعواتك

دنيتى الجميله يقول...

الام وامال
الله يسلمك ويسلم اهلك جميعا
جزاكم الله خيرا على دعواتك
وتقبل الله منا ومنك استغفارنا واستغفارك

دنيتى الجميله يقول...

المهاجر الى الله
امييييييييين
امين يا رب العالمين
جزاك الله خيرا على زيارتك

دنيتى الجميله يقول...

walaa
يا رب يا ولاء
ربنا يتقبل منك
ويشفى خالتى الحبيبه
والمود ده بحاول اطلع منه
ولقيت حاجات كتير حلوه بصراحه تطلعنى منه والحمد لله
سلميلى على حنين
سلاااام

دنيتى الجميله يقول...

appy
اهلا اهلا بيكى
منوره دنيتى الجميله بنور القمر والنجوم
كوكبك جميل نفسى ادخل واقعد فيه براحتى بس عندى اولاد بيطلعونى من كوكبك على كوكب الارض على طول من غير مقدمات فبقع على .......
ويارب دعاء الاستغفار يكون فادك وعملتى بيه
ومستنياكى تهبطى كده دايما على دنيتى الجميلهمن كوكبك الجميل
سلاااام

دنيتى الجميله يقول...

walaa
تانى مره يا ولاء
جزاكى الله خيرا
متحرمش منك ابدا
دعواتك متنسنيش
سلااااااام

دنيتى الجميله يقول...

klmat
زيك يا اميره
وحفله سعيده ليكى ولاولادك دايما مجموعين فى الخير
وربنا يتقبل منك الدعوات يا رب
دمتى بخير وبصحه
سلاااااااام

دنيتى الجميله يقول...

walaa
جزاكى الله خيرا يا ولاء
ثالت مره
شىء رائع
ربنا يديكى الصحه والعافيه
جميل انى الاقلى حد يسأل عليا كده
سلااااام

دنيتى الجميله يقول...

الطائر الحزين
اللهم امييييييييييييين
ربنا يتقبل دعواتك ودعوات جميع المسلمين