علشان احنا ستات زى بعض وبنحب بعض ليكم
عندى بعض المعلومات السيكرت والسيكرت جدا جدا
يعنى بلاش نقول قدام الرجاله ويعرفوا سر الحلاوه والجمال ده كله جه منين
يعنى تعملى نيولك لزوجك وتخدى حسنات وتعجبى بنتك ايوه تعجبى بنتك
اصل انا عندى بنوته اد ركبتى ولكن معلمانى الادب والاصول
اتزوءى يا ماما حطى ده يا ماما البسى ده يا ماما
طبعا مش حب فيه ولكن علشان تشاركنى فى حاجتى
بصراحه كل المعلومات دى وجدتها فى منتدى من المنتديات النسائيه الخاصه
وعملتلها كوبى علشان توصلكم من غير منسى اى شىء
بس اوعوا وبقول اوعوا تنسونى فى دعواتكم
بسم الله نبتدى
عليه نتوكل
اصبروا شويه
تحلمين بنضاره وجه مثل الاطفال
ابشرى الخيار بشر ناعم وضعيه ع الزبادى
وخليه فى علبه فى الثلاجه وكل يوم اقول كل يوم مو مره ومرتين وتملين
لااااااااااا حطيه ع وجهك لغايه ما يجف وأغسليه وادعيلى
طبعا أنا بصراحه زدت أشياء وهى حليب بودره مع الخلطه السابقه
بعد ما أغسل وجهى أمسحه بقالب ثلج ماء الورد
عباره عن قوالب ثلج +ماء ورد فى الفريزر
لشفايف ورد
طبعا ما فى بنت ما تحب تكون شفايفها ناعمه ولونها حلو طبعا
الطريقه لجعل شفايفك ورديه مخمليه أول خطوة التقشير وتكون بوضع طبقه كثيفه من الفازلين وبعدين بفرشاه الاسنان تفركين بخفه تانى خطوة التغذيه وتكون بوضع مسحه عسل ع الشفايف قبل النوم الخطوة الاخيرة وياريت تستخدم كل يوم قبل النوم وهى انك تحطين كميه بسيطه من مسحوق الورد وهو متوفر عند العطارين مع شويه جلسرين وتخلينه طول الليل ع شفايفك والصبح لما تغسلين وجهك بتلاحظين انك مو محتاجه روج ويكفى جلوس خفيف مع الفاونديشن والماسكرا وبيكون لوك حلو وناعم ومسحوق الورد وزيت الورد وتلاقيه عند العطار
على فكره فى حاجات تانى بس ممكن نخليها للبوست القادم
لو حبيتوا المود الروشوش ده
هناك ١٥ تعليقًا:
اول تعليق رجالى فى بوست حريمى جدا جدا
بس تعرفى دى معلومات مهمه لكل زوجه فعلا
لان الراجل لو شاف مراته بطعم ورائحة المطبخ
هيتمنى الخلع
ارق تحية
انتى عسل بجد
مرسى على المعلومات الجميله دى
وربنا يخليلك بنتك وتشوفيها عروسه يارب
تحياتى وحبى
عارفه ياجميله
انا في الاول كنت هطلع عشان كلمه زوجات وحجات كده
اصلي مؤدبه
بس غلبني الفضول وكملت
وحسيت نفسي شبه بنتك
بس انا عندي طلب
البوست الجاي متحصريهاش في المتزوجات بس
ليه هو احنا ملناش حق نبقي قمرات ولا ايه يا جميل
ههههههههههههههه
نورتيني في مدونتي
ومستنياكي ع طول
ف(بست وشز فور يو)0
قفشتك قفشتك يامعلم ومحدش سمي عليك
ايه الحناوه دي ايه الجمان ده
بس لازم تعرفو اني انا مصدر الخير والفخر للاخت نونا
يانونا ياجاااااااااااااااااااااااامد
سلام بقي وكفايه فضايح وابعدي البنيه عن الموضيع دي وقوللها لسه بدري عليكي احنا الاول
:)
أمانة تشيلي الوورد فيرفيكيشن
علشان بيموتني علي مايعمل كومينت
يعني امشي ومقولكيش ميرسي علي البوست ؟؟؟
:)
ميرسي تاني علي البوست وربنا يخليلك بنتك ويكرمها ويكرمك
اه اهوده اللى مكنتش عامله حسابه
دخول راجل مابينا يا ستات
بس يلا فكره جاتنى لما شوفت كده قلت لا لازم اعمل بلوج اضافى للستات فقط
المهم اهلا وسهلا بحضرتك معانا
حتى لو مكنتش استفد من البوست
وربنا يجعلك نصيب من اسمك
مدونت حضرتك فيها بوستات دمها خفيف جدا
شكرا لزيارتك
ra7eel
اهلا اهلا بالدقهليه وحلوينها
هما كلهم كده حلوين ودمهم خفيف كده
طيب يبقى مش لازمهم بوستات جمال بقى على كده
ربنا يخليكى انتى يا جميل واشوفك انتى عروسه كاتبه بوست عن ميعاد فرحك يا رب
ودعواتك لبنوتى كتير ربنا يهديها ويصلح حالها هى وجميع بنات المسلمين
نورى
هو انتى اصلا محتاجه جمال على جمالك يا قمر
بقول متزوجات علشان انتى عارفه احنا مش لقين وقت من الاولاد علشان نعمل حاجه لنفسناوبرضه اخد ثواب من كل زوجه تتزين لزوجها يعنى عصفورين بحجر واحد
ودايما يا رب منورا دنيتى
saso
ولا يهمك ادينا شلنا الووردفيريفيكشن
وبعد كده ازاى يعنى تمشى كده على طول
لا ده لازم تقعدى تشربى شاى قهوه حاجه ساقعه
مهو بوست حريمى وانتى عارفه احنا البنات بنحب السهارى
لو البوست عجبك وحسيتى انك استفدتى منه يلا زورينا تانى وان شاء الله هعمل بلوج تانى جديد كله معلومات ونصائح جماليه ويكون ليه اسم جديد غير دنيتى الجميله
الجميله دنيتى الجميله
يارب تكونى بخير انتى وبنوتك وباباها
جميل اوى اننا نقول لبعض نصائح
وتجارب كلنا كده بنستفيد ونفيد
تنك طيبه ياااارب
تحياتى وتقديرى
دعوه الى التزين للزوج
جميله قوى المعلومات وجزاك الله خيرا
وربنا يخليك بنتك يا رب
هما البنات كده لا انا عندى بنتى حنين
هى اللى بستلبس على مزاجها
دمت بكل الود
ولاء
يا سلام يا سلام
عجبتني أوي بتاعة الشفايف دي
جزاك الله خيرا
ياللا مستنية حاجات تانية
تشكري على تعبك
تحية لبنوتك الجميلة
:)
klmat
بيسعدنى جدا لما بلئيكى عندى منورانى
بحبك يا موج اسكندريه
يا رب تكونى انت وكل حبايبك طيبين
عندى ليكى اقتراح هبعتهولك على الاميل ويريت تفكرى فيه
علشان فعلا كلنا نستفيد ونفيد
تحياتى ليكى
walaa
انا سعيده جدا
ان البوست عجبكم
كان من القلب للقلب
ربنا يخليلك حنين ويرزقك بأخوها
دومى على الدعاء والاستغفار وأبقى ادعيلى
نورتينى
maii bahaa
اهلا بالقمر اللى اتصور مع الكنج الكبير حسن شحاته
الحمد لله ان البوست عجب كل حريمات البلوجات الحلوات
قبلاتى لولادك الحلوين
منورانى دايما يارب
إرسال تعليق