بسم الله الرحمن الرحيم
دايما فى سؤال بيخطر على بالى ياترى الناس اللى بحبهم
وبعدتنى الايام عنهم
لسا فكرنى وبيحبونى زى ما انا ما فكراهم وبحبهم
ومن يومين وانا بشقلب فى حاجتى القديمه
لقيت اوتوجراف ثانوى
ياااااااااااه
من سنه 1997
ااااه والله
من 12سنه
مش ممكن فرحت جدا
ووفتحت الاوتجراف
ولقيت اول صفحه فيه
اهداء من سحر حسين
8-4-1997
وفتحت صفحه صفحه
وقريت كلمه كلمه
وسرحت مع كل حرف
ورجعت لورا ورا قوى
لأيام ثانوى
ايام الصداقه بجد
مش ممكن الاصدقاء الحلوين دول
سحر ورباب وهاجر وصفاء وشيماء وكوثر
منى ورشا وريهام
رحتوا فين وحشتونى قوى
منهم اللى سافر خارج مصر
ومنهم اللى سافر القاهرة
ومنهم اللى بعدتوا الايام والسنين فبقى مجرد ذكرى حلوة لناس حلوة بجد
غيربقى احب الاحباب ليا جدتى الله يرحمها
وخالاتى وبناتهم
واعمامى وعماتى وخالى حبيبى
ياااااااه
وحشتونى بجد
ووحشتنى ايامكم الحلوة
بشكركم من كل قلبى
على اجمل كلمات كتبتوهالى
بس يا ترى انا فعلا كنت عندكم زى ما انتم كتبتم عنى ولا ده مجرد كلام اوتجراف
يعنى خالاتى واعمامى كلهم اجتمعوا على معنى واحد فى كتابتهم
انى ابنتهم الحنونه المؤدبه
يا ترى انا فعلا حنونه زى ما انتم شايفنى
بس بجد اصعب كلام قرأته ودمعت
كلام ست الحبايب
وهى بتوصفنى بأنى أقرب شخص ليها وبنتها وصحبتها
بحبك يا ماما
حفرتوا بكلامكم اجمل الذكريات فى اوتجرافى الوحيد
اشكركم بجد
بفكر اعمل لسهيله مع اصحابها فى المدرسه
اوتجراف ابتدائى واعدادى وثانوى والكليه ان شاء الله
لأنى كان نفسى يبقى ليا كده
وليه لأ
اعملى واحد تانى مع الناس الجديده اللى عرفتهم وحبتهم فى حياتى الجديدة
هناك تعليقان (٢):
جميلة الكلمات
وفكرتيني بالاوتجراف بتاعي وهروح اقلب فيه واسترجع ذكرياتي
دائما الذكريات الجميلة لها اثرها ولو بعد سنوات
ولكن ليس بالنسبة للجميع
فهناك من لا يقدر مثل هذه الذكريات
انا عايزه اشوف الاوتوجراف ده
انا مشفتش الحجات دي ليييييييييييييه
ههههههههههههه
ياتري انا كتبتلك فيه
ع كل حال لما اشوفك
هيبقلنا كلام تاني
بحبك قوي يا حنونه
إرسال تعليق