عذرا رسولى الحبيب

الجمعة، ١٥ أغسطس ٢٠٠٨

أهداء الى حبيب



السلام عليكم ورحمه الله وبركاته

أخواتى المدونات الحلوات الجميلات

وحشتونى جداجداجدا

وفعلا انا مش عارفه انا ازاى الفتره اللى فاتت دى قدرت ابعد عنكم

بس مش بأرادتى والله أعلم

بكل بساطه انا الفتره اللى فاتت كنت مشغوله شويه

عندى ضيوف فى البيت

بس مش اى ضيوف

تصدقوا انا عندى مين

باكل واشرب وانام واخرج واتكلم معاه

حزروا فزروا مع مين؟

حقول على طول من غير محيركم

مع نورى صاحبه مدونه رومانسيه بالمايونيز

الذ وأطعم وأجمل بنت وأخت وصديقه ممكن تتعرفوا عليها

هتسألونى هى تقربلى أيه؟

لا ولا حاجه هى بس ضرتى ومشركانى فى جوزى حبيبى

إهئ إهئ إهئ إهئ

هى بكل بساطه بنت أخو زوجى وحبيبته الاولى يعنى انا حبيبته التانيه اللى دخلت عليها واقتحمت حياتهم وخدته منها

ههههههههههههههههههه

هى طبعا كانت حاسه بكده لما أتجوزت عمها

هى كانت صغيره طبعا ساعتها وفكره انى هخده منها ومش هتلاقى عمها حبيبها تانى يلعب معاها ويغنيلها

وكانت فعلا مش طيقانى قدمها وكانت كرهانى بشكل واضح جدا جدا

وسبحان الله اللى خلا قلبها يصفالى وتتحسن علاقتى بيها ونبقى أصحاب أنا وهى

وكمان تمر الايام وتاخد الثانويه العامه

وان شاء الله تدخل كليه وتكون جنبنا ومعانا

أرجوكم بشده كلكم تدعولها ربنا يوفقها وتدخل الكليه اللى هى عيزاها ويرزقها بالصحبه الصالحه ويهون عليها سفر بباها ومامتهاوأخواتها

وبعدها عنهم

ويقرب ما بينا أكتر وأكتر ويخليلنا حبيبنا اللى أحنا الاتنين بنجتمع على حبه

على فكره يا نورى انا بحبك جدا جدا وبحبكم كلكم علشان انتم حبايب حبيبى وأكتر ناس هو بيحبهم فى الدنيا

ربنا يخلينا لبعض ويبعد عننا العين اللى انا حاسه انها بتبص علينا من شباك المدونه

ههههههههههههههههه

طبعا أنتم عرفتم مين هو الحبيب اللى بهديله البوست ده

هى نورى صاحبه أجمل رومانسيه بالكاتشب والمايونيز والمسطرده

نورى متخفيش احنا معاكى على طول وبنحبك وهنحاول نعوضك ولو بشكل بسيط جدا وضعيف جدا بس هنعمل اللى هنقدر عليه من غياب

بابا وماما وبهديلك البوست يمكن يحسسك قد ايه فى ناس بتحبك وهتخاف عليكى

هناك ٧ تعليقات:

نوري يقول...

نونا حبيبتي
هو انا صحيح كنت جمبك وانتي بتكتبي
بس الكلام لما قريته لوحدي
كان ليه اثر تاني خالص اكبر بكتير

ربنا يخليكي ليا
انتي وهوبه حبيبي الاولاني
نياهاهاها

يا اجمد مرات عم في الدنيا

ويارب مايحرمني منكم ابدا
ونفضل كده ع طول
ويارب تتخزق عيون حسادنا
ويدخل فيها ملح وخل وشويه شطه حراقين
لا والله انا مش شريره
بس هما يستاهلو عشان يحرموايبصوا
يلا بقي

بست وشز فور يو

لماضة يقول...

ربنا يارب يديم المعروف والحب بينكم
:)
كل سنه وانتي طيبه يا ست الكل
وازي بنوتك الصغننه

appy يقول...

ربنا يا رب يخليكوا لبعض

صاحب المضيفة يقول...

ربنا يبارك لكم في حياتكم ويغفر زلاتكم ويستر عيوبكم ويكثر من حسناتكم يارب


ويبلغكم ويبلغنا رمضان على خير وبر واطاعة وايمان

رحــــيـل يقول...

أزيك وازاى سهيله
يارب تكونوا بخير

ربنا يخليكوا لبعض دايما يارب
وكل سنه وانتى بالف خير

رمضان كريم

انا ودماغي يقول...

ربنا يباركلمكم يا رب و يسعدكم طول حياتكم


و كل سنة و أنتى طيبة و رمضان كريم

مؤمنه يقول...

السلام عليكم ورحمة الله وبركاته
ايحنا بنحبك اوى يا نورى بنحبك قبل ما نشوفك عارفه ليه
عشان قد ايه فرحت لما شوفت لسه الحب الجميل دى موجود وسطنا
وربنا يرزقك بالكليه الى فيها خير ليكى
ولازم تحمدى ربنا كتير كتير ان بعتلك مراط عم حلوه كده
الا المدونه دى بتاعة مين
اااااه
معلشى باءه ماهى مشاركه حضرتك فى زوجك مش هتشاركك فى المدونه يعنى
دومتى بكل خير وكل عام وانتى طيبه والى الله اقرب وفى طاعته ادوم
ورمضان كريم عليكى وعلينا
سعدت جدا بزيارتك لمدونتى المتواضعه
وان شاء الله يدوم التواصل
والسلام عليكم ورحمة الله وبركاته